Кітапхана тарихы

1928 жылы Ақтоғай ауданының құрылуына байланысты, халықты сауаттандыру мақсатында «Қызыл Отау» есебінен кітап беру пункітін ашылған. Ол кездері кітап беру пункіттерін ауыл советтері басқарған. Сол жылдары Тарыбаев ауыл советі болған. 1935 жылы «Қызыл Отау» «Кітапхана» болып құрылған. Кітапханалар ауыл советтеріне қараған соң, кітап қорлары Жезқазған қаласындағы облыстық кітапхананың бибколлекторынан тікелей ұшақ арқылы әкелінген жаңа кітаптармен толығатын.
1931–1951 жылдар арасындағы орталық кітапхананың шежіресі белгісіз. 1951–1952 жылдар арасында орталық кітапхананың менгерушісі болып Аханова Лиза жұмыс жасаған.
1952–1954 жылдары Өкімбаева Риза менгеруші болған. 1954 жылы кітапхана қоры артуына байланысты, сол кітапхананың ішінен балалар бөлімі ашылған. Осы жылы Өкімбаева Риза сол бөлімнің менгерушісі болып ауысқан. 1954–1958 жылдары орталық кітапхананың менгерушісінің міндетін Есеева Қойша атқарған.
1958–1959 жылдары Қалиясқарова Шакен Есеева Қойшадан менгерушілікті қабылдап алған. 1959–1962 жылдары кітапхана менгерушісі болып Сейсепова Дайна жұмыс істеген. 1962 жылыСейсепова Дайнадан менгерушілікті Мұсағұлова Нескен қабылдап алып, 1965 жылға дейін осы қызметті атқарған. 1965–1966 жылдары менгерушілікте Аюханова Қамария жұмыс жасаған. 1966–1973 жылдар аралығында Ахтанова Аман орталық кітапхананың менгерушісі болған.
1973–1974 жылдары Рахымжанова Нескен менгерушілікті атқарған. 1974–1976 жылдар арасында Оспанова Нұржамал менгеруші болған.
1976 −1979 жылдар аралығында орталық кітапхананың менгерушісі Үрипа Үкібаева болған. Ал 1979жылы барлық кітапханалар біріктіріліп, ОКЖ-сі құрылған.
2009 жылы Үкібаева Үрипа зейнеткерлікке шығып, осы жылдан бастап Хамзина Кульзира Мальгаждаровна орталықтандырылған кітапхана жүйесінің директорының міндетін атқаруда.
2010 жылы Ақтоғай ауданы әкімдігінің 2010 жылдың 31 наурызындағы № 04/09 «Ақтоғай ауданының орталықтандырылған кітапхана жүйесі мемлекеттік мекемесін құру туралы» қаулысына сәйкес 2010жылдың 5 мамыр айынан бастап, Ақтоғай ауданының мәдениет және тілдерді дамыту бөлімінен бөлінді.
2012 жылдың 2 наурыз айынан бастап,Ақтоғай ауданы ОКЖ директоры болып Замзагуль Сатекова тағайындалды.