«Шаңырағым-шаттығым»

Ақтоғай ауданы орталықтандырылған кітапханасында отбасы күні мерекесіне орай «Шаңырағым-шаттығым » атты отбасылық сайыс ұйымдастырылды. Мақсаты: Оқырмандарға отбасы құндылықтарын, отбасы берекесінің маңызын, болашақ ұрпақты тәрбиелеудегі отбасының қоғамдағы алатын орнын айқындау.
Отбасы өмірді кемеліне келтіреді, бақыт әкеледі.Отбасы-адам өмірінің тамаша жақтары жүзеге асатын, адамның ең басты шаттығы болып саналатын,баланың өсіп, өмір сүретін орны.
Аталған отбасылық сайысымызға Ақтоғай ауданының бірнеше үлгілі, өнегелі отбасылары қатысты.
Шара 5 бөлімнен тұрды. (Таныстыру, сегіз қырлы-бір сырлы, Отбасылық — ситуациялық сұрақтар, Караоке,Қорытынды)
Кеш соңында қатысушылар әртүрлі номинациялар бойынша марапатталып, сый-сыяпаттарға ие болды. «Өнерлі отбасы» номинациясымен Сүйіндікова Құндыз (өнер мектебінің қызметкері) Сүйіндіковтер отбасы. «Үлгілі отбасы» номинациясымен Аубакирова Зайдагүл (өнер мектебінің домбыра сыныбы мұғалімі) Бауымбековтер отбасы. «Қонақжай отбасы» номинациясымен Мұсағұлова Айгүл (көп балалы ана) Мұсағұловтар отбасы марапатталды.
Адамның жеке басының алғашқы қалыптасуы отбасынан басталады.Оның ержетіп өсуі, бойындағы алғашқы адамгершілік белгілер отбасында қалыптасады,сондықтанда туған үйдің жылуы оның көкірегінде көп жылдар бойы сақталып мәңгі есінде жүреді.Бір сөзбен айтқанда «отбасы-табиғат сыйлаған керемттердің бірі» десек артық емес.

Келулердің саны: 4767