Тәуелсіздік-тәтті сөз

Ақтоғай ауданы орталықтандырылған кітапханасында Тәуелсіздігіміздің 25 жылдығына орай «Тәуелсіздік-тәтті сөз» атты мерекелік кеш болып өтті. Тәуелсіздік - ең басты құндылығымыз. Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.
Кітапханамыздағы ҚР Тәуелсіздігінің 25 жылдығына орай «25 жылдыққа-25 шара атты» акция ұйымдастырылған болатын. Осы акция аясында «Буккроссинг» кітап фримаркеті, «Флешмоб», «Асфальтта сурет салу» байқауы, «Жылжымалы кітап көрме», «Экскурсия», «Дәмхана», «Дөңгелек үстел», «Танымдық сағат», «QR-код жұмбақ», Домбыра пати, «Квест», «Ревю», «Буриме» импровизация, «Кемпинг», «Мен сүйікті кітабыма дауыс беремін», «Басқатырғыштар базары», «Мейкерспейс», «Пресс-рулетка», «СтихоБаттл», «Флешбук», «Ретрокөзқарас», «Оқырман театры» шаралары өтті. Аталған шараларға белсенділік танытып, қолдау көрсеткен Сейсекеев Марғұлан Еламанұлына, Аубакирова Зайдагүлге, Аман Заринаға, Темірбекова Гүлзатқа, Исабекова Шынарға, Мусина Арнагүлге, Шалбаева Насимаға, Талипова Эльмираға, ФЛЕШБУК шарасы жеңімпазы Мағден Ұлпанға, QR-код жұмбақ жеңімпазы Тұрсынбек Арайға шексіз алғыс білдіре отырып, Алғыс хаттар мен сый-сыяпаттар табысталды. Шара барысында К.Бәйсейітова атындағы ЖББОМ 7-сынып оқушысы Болатбек Әлішер ән шырқап, «Жұлдыздар» би тобы «Барби» биімен тамсандырып, кеш Ақтоғай ауданы өнер мектебі шәкірті Жанат Ерасылдың орындауындағы «Ерке сылқым» күйімен аяқталды. Оқырмандар мен қатысушылар жылы лебіздерін білдіріп қайтты.