Өнегелі өмір белестері

Жерлесіміз халық ағарту ісінің үздігі,ардақты ұстаз, өлке зерттеуші, Т.Ақпанбаеваның өмірі мен шығармашылығы және «Өнегелі өмір белестері» кітабының шыққанына 15 жыл осы кітаптың авторы Торғай апамыз бүгінгі таңда 70 жасқа толып отыр.Зор денсаулық , мол бақыт тілей отырып оқырмандар мен кездесу кешін ұйымдастырып өткіздік.
Мақсаты;Т. Ақпанбаеваның өміріне шолу, өлке тарихындағы орнын айқындау,өмірі де, өзі де өнеге бола білген жазушыны оқырмандармен таныстыру
Дамушылық –«Өнегелі өмір белестері» кітабының шыққанына 15 жыл толуына байланысты «Өнегелі өмір белестері» кітабын талдай отырып әр оқырманның өзінше ойлап, өз бетінше ізденуіне бағыттау
Тәрбиелік –оқырмандарды Отанын, елін, жерін сүюге, жерлес іміздің өмірінен үлгі алуға баулу.
Ақтоғай ауданындағы №14 кәсіптік мектептің информатика пәнінің мұғалімі, 40 жыл ұстаз болған, қазір зейнеткер.
Ауданның таңдаулы мұғалімі,Қазақстан халық ағарту ісінің үздігі, Жезқазған облыстық мұғалімдердің 1- сьезінің делегаты, «Жыл мұғалім» байқауларының 2дүркін жеңімпазы.Еңбек ардагері, облыстық ақпараттандыру және мектеп мұражайлар байқауының жүлдегері, информатика пәнінен облыстық байқаудың жеңімпазы. 
2 Республикалық «Алтын диск» байқауына жолдама алған.ҚР –ның Құрмет грамтасымен, облыстық, аудандық марапаттауларға ие болған,кітапхананың үздік оқырманы, аудан жастарын компьютерлік сауаттылыққа үйреткен алғашқы ұстаздардың бірі.Тәжірибесі аудан, облыс көлемінде үш рет бетплакат болып таратылып, білім жетілдіру институтында шығарылған жинаққа ( 2001). «Тобықты Шыңғытау шежіресі» энициклопедиясының 6-шы томына ұстаз еңбегі енген.
Селолық әйелдер кеңесінің төрайымы, аудан әкімі жанындағы ақсақалдар алқасының мүшесі, өлке зерттеуші.
Бірнеше кітаптар мен бағдарламалар жазған. «Айтыстың ақберген шебері Ш.Қаржаубайұлының шығармащылық жолы,» «Өнегелі өмір белестері», «Өшпес ерлік- өлмес мұра», (1-2 бөлімі) ерлік кітаптарын және «Айтыс өнері», «Күләштану»(Сәтмағанбетовамен бірге) «ЭВМ операторы» бағдарламалары, «Информатика сабағындағы халықтық педагогиканы қолдану және жаңа технологиямен ұштастыру» оқу –әдістерінің авторы.