Ақынның асыл мұрасы

Аудандық орталықтандырылған кітапхана оқу залы бөлімінің ұйымдастыруымен жерлесіміз дарынды ақын қарымды қаламгер Мүбәрәк Жармағанбетұлыныңтуғанына 70 жыл толуына орай К.Бәйсейітова атындағы мектептің 9 сынып оқушылар арасында «Ақынның асыл мұрасы» атты поэзиялық кеш ұйымдастырылып,оқырмандар арасында өмірбаянымен таныстырылып, ақынның өлеңдері оқылды.Табиғатынан тума талант, дарын иесі М. Жармағанбетұлы 1973 жылы аудандық ауыл шаруашылығы бөлімінің тілшісі ретінде еңбек жолын бастаған.
М.Жармағанбетұлы газеттің бөлім меңгерушісі, жауапты хатшы,редакторы міндеттерін атқарды.Аудандық радиохабардың ұйымдастырушысы, облыстық «Жезқазған туы» газетінің меншікті тілшісі, аудандық «Қазақ тілі» қоғамының төрағасы болды.
1996 жылдан бастап «Тоқырауын тынысы» - газетінің редакторы болып қызмет атқарған.