Біз жастарға сенеміз!

Қай қоғамда болмасын жастарға ерекше көңіл бөлінген, бөлінеді де. Елдің жаңа буынға деген қамқорлығының жарқын айғағы жыл өткен сайын арта түсуде. Мемлекет жастардың мәселесін тиісті деңгейде шеше алатын болса, оларға жағдай туғызатын болса, жастар сол қоғамның іргерілеп дамуына, гүлденуіне ерекше серпін береді. Елбасы, тұңғыш президентіміз жастарға қолдау көрсету мақсатында былғы жылды «Жастар жылы», - деп жариялап жалыққа қол қойды. Жарлық аясында жас қазақстандықтардың өзекті қажеттіліктерін қанағаттандыруға арналған нақты тапсырмалар берілді. Бірінші кезекте қол жетімді сапалы білім беру, тұрғын үйге қолжетімділік, жұмыс табу, отбасын құру мүмкіндіктері. Бүгінгі ұрпақ- ел ертеңі. Осындау ауқымды тақырып аясын қамтыған дөңгелек үстел басындағы ауыл жастарының ашық пікір алмасу отырысы Тораңғалық ауылдық округінің кітапханашысы Б.Ештанаеваның ұйымдастыруымен өткізілді. «Біз жастарға сенеміз» - тақырыбы аясында ауылдық клуб үйінде арнайы көрнекіліктер ілініп, жастардың патриоттық рухын көтеретін ақын- жазушыларымыздың кейінгі шығармалары көрме сөресінен орнын тепті. Ауыл жастарының бойындағы патриоттық сезім, азаматтық жауапкершілік, ел мүддесі үшін қызмет ету абыройы сынды үлкен жауапкершілікжүгін жүктер жастарымыздың бүгінгі алар орны жайлы кіріспе сөзбен отырысты ашқан ауыл кітапханашысы жиналғандарды ашық-жарқын әңгімеге шақырды. Жастар тақырыбына жан-жақты тоқталған аудандық жастар ісі жөніндегі маман Е.Қ.Серіков өркениет көшіне ілескен бүгінгі буынның саласында, бизнесте, спортта аудан көлемінде жастар бағындырып жатқан жетістіктерді тілге тиек етті. Дөңгелек үстел басында әңгіме өрбіткен Г.Хажекбер- әкімшілік маманы, Ж.Дәулетбай- клуб меңгерушісі Е.Аманбаев,А.Амангелді- студенттер.Қ.Дәулетбай – негізгі мектептің тәрбие ісі жөніндегі оынбасары т.б ауыл жастары бизнеске жол, жастардыңбос уақытын өткізу мәселесі, салауаттылық өмір салты, ауыл спортының бүгіні жайында нақты мысалдар келтірді. Барлық округтерде бар спорт алаңы мен балалар ойын алаңының не себепті өз мекендеінеде жоқтығына қысылатындықтарын да жасырмады. Дөңгелек үстел басындағы әңгіме мейлінше ашық сұхбаттасу түрінде өтті. Отырысты қорытқан ауыл кітапханашысы, аға буын өкілдеінің ізгілікті ісін жалғастыратын жалынды жастарымызға ақ жол тіледі.

Тораңғалық ауыл кітапханашысы Б.Ештанаева