Жоғары
Нашар көретiндер үшiн

Ақтоғайлық қос қыран

   Ақтоғай ауданының мәдениет үйінде, орталықтандырылған кітапхананың ұйымдастыруымен «Рухани жаңғыру» аясында ұлағатты ұстаз, өлкетанушы Ақпанбаева Торғай апамыздың «Ақтоғайлық қос қыран» атты кітабының тұсау кесері өтті. Кітап Арқаның алтын бесігі-Ақтоғайдан шыққан, Ұлы Отан соғысының қос батыры – Қазбек Нұржанов пен Нүркен Әбдіровтің туғанына 100 жыл толуына орай басылып шыққан. Кітапта батырлардың өмір жолдары, олардың фотосуреттері, Отан үшін еткен ерен ерліктері жайында, оларды ұлықтау мақсатымен кітапханаларда өткен шаралардан көріністер т.б. бар. Бұл тұсау кесерге батырлардың рухына тағзым ету, олардың есімдерін ұлықтау мақсатында орталық кітапхана тарапынан «Ұлы ерліктер мәңгі есте сақталады» атты кітап көрмесі қойылды. Кітаптың тұсау кесерінде аудан әкімі С.Әбеуова сөз сөйлеп, авторға алғысын білдірді. Тұсау кесер қос батырдың ұрпақтарының қатысуымен өтті.  


Келулердің саны: 84