Жоғары
Нашар көретiндер үшiн

8 наурыз Халықаралық әйелдер күні

...

Адам баласы үшін ең аяулы, ең қастерлі, қадірлі сөз - ана. Бала дүниеге келген күннен бастап өзінің жұмсақ алақаны, жылы жүзі, ыстық құшағы, мейірім толы көзқарасы арқылы барлық сүйіспеншілік, мейірімділік, махаббатын бере білген аналар үшін жер дүниені мекендеген адамзат қауымы бір күнді мейрам етіп белгілеген. Ол 8-наурыз мерекесі. Аудандық кітапхананың Коворкинг орталығында осы мерекеге орай, жылдағы дәстүр бойынша, отбасының шуақты күні мен дәнекеріне айналып отырған, түрлі салада қызмет еткен, ауданымыздың өсіп-өркендеуіне сүбелі үлестерін қосқан ардақты аналарымызға мерекелік жүздесу құрметі көрсетілді. «Аналар-тіршіліктің тірегі» атты бұл жүздесу кешінің мақсаты жастарды ауданымыздың құрметті аналарымен таныстыру, олардың еңбектерін насихаттау, кездескен жерде оларды құрметтеу керектігін, патриоттық сезімдерін ояту болды. Жүздесу кешінің қонақтары Сейітова Тоқаш, Ақтаева Нұрғайын, Төлетаева Нұрғайша, Білісбекова Дәкен, Нұртазина Гүлнар, Мұхаметжанова Забира апайларымыз болды. Аналарды үш топқа бөліп, әр түрлі тапсырмалардан тұратын сайыс өткізілді. Үлгілі балалар тәрбиелеп, немере бағып отырған қадірлі аналарымызға зор денсаулық, шуақты да шаттықты күндер тілей отырып, кітапхана тарапынан сыйлықтар табысталып, дастархан жайылды.


Келулердің саны: 61