«АҚ ОРАМАЛ» – ӨМІР СИМВОЛЫ
Қазақстан Республикасы Президенті Нұрсұлтан Назарбаевтың Вашингтон қаласында өткен Ядролық қауіпсіздік жөніндегі ІV саммитте жариялаған «Әлем. ХХІ ғасыр» манифесін насихаттау және Семей ядролық полигонының жабылуына 25 жыл толуын атап өту мақсатында Қазақстан халқы «Ақ орамал» республикалық акциясын өткізуге бастама көтеріп отыр.
Акцияның «Ақ орамал» атану себептеріне тоқталар болсақ, қазақ тарихында оның философиялық мағынасы терең. Ақ түсті халқымыз тазалықтың, адамның ақыл-ойы мен жан дүниесінің тазалығы ретінде таныған. Адамзат өмірінің негізі болып саналатын ананың ақ сүті — өмір символы. Абыройдың, аманатқа адалдықтың белгісі. Аталмыш шараның негізіне ата-бабаларымыздың ежелгі дәстүрі, яғни, ел мен елді татуластыру салты алынған. Сонау ықылым замандарда ел мен елдің, ру мен рудың арасындағы дауды әйел-ана басындағы орамалын шешіп, ортаға тастау арқылы тоқтатып, талай қантөгістің алдын алғаны тарихи, көркем әдебиеттен, ауызекі ұрпақтан-ұрпаққа жеткен фольклор үлгілерінен мәлім.
Міне, осындай ізгі дәстүрді ел есіне оралту арқылы қоғамның барлық мүшесі мен әр азаматтың бейбітшілік пен тұрақтылықтың сақталуы жолындағы жауапкершілігін арттыру көзделген. Мемлекет басшысының «Әлем. ХХІ ғасыр» манифесінде алға қойған міндеттерді насихаттай отырып, елдерді бір-біріне өзара құрмет көрсетуге, басқалардың ішкі істеріне араласпауға, саналылық және сұхбатқа, ұстамдылық пен ақыл-парасатқа жүгінуге, жаппай қырып-жоятын ядролық және басқа да қару-жарақ түрлерінен бас тартуға, баянды бейбітшілік әлемін қалыптастырып, өмірлік іс-әрекет әдісі ретінде соғыс атаулыны түбірімен жоюға үндейді.
Осыған орай Ақтоғай аудандық орталықтандырылған кітапхана жүйесінде бірнеше іс-шаралар ұйымдастырылды.
Жаңа өмірге қадам басқан жас жұбайлардың қадамы құтты болып, алдағы уақытта қиындық көрмей, бейбіт заманда ғұмыр кешсін деген ниетпен Ақтоғай ауданы кітапхана ұжымы Ақтоғай ауданы АХАЖ бөлімінде жас келінге «Ақ орамал-бейбіт болашақтың кепілі » атты орамал тағу рәсімін өткізді.
Осы акция аясында «Семей полигоны – Қазақстанның ядролық қасіреті » тақырыбында әңгіме сағаты өтті. Кешке тұрақты оқырмандар мен зейнеткерлер қатысты.Акцияның негізгі дәстүрі бойынша қатысушылар арасынан Шерубаева Қарғаш әже өзінің ақ орамалын «жолымды берсін» деген қазақы ырыммен жас келіншекке тарту етті. Шара аяқталғаннан кейін аналар қуғын-сүргін құрбандарын еске алу ескерткішінің алдына гүл шоғын қойды.
Жер-Ананың басынан талай сұмдықтар
